loading...

Hansı meyvəni, necə yeməli? İmmunitetimizi gücləndirək

Share Button

Banan xəstəlik yaradır?

banan yeyen ushaqK. Fərəcova adına Elmi-Tədqiqat Pediatriya İnstitutunun direktoru Nəsib Quliyev modern.az-a müsahibəsində meyvələrin uşaqlara təsiri haqda danışıb. N. Quliyev deyir ki, uşaqlar daha çox yerli meyvələrlə qidalanmalıdır:

“Zərərli meyvə yoxdur. Əsas məsələ ondadır ki, uşaqlara yaşadığı yerə uyğun meyvələr verilsin. Hazırda çox xoşagəlməz hal var; uşaqlara hər şeydən çox banan verilir. Bananı çox yeyən uşaqlarda klasiyorkor xəstəliyi yaranır ki, bu da Afrika qitəsinə, isti ölkələrə xas xəstəlikdir. Bu xəstəlik uşaqlarda qarnın böyüməsi, bədəndə ödemlərin əmələ gəlməsi, qan azlığı, rəngin avazıması, inkişafın yavaşıması ilə xarakterizə olunur. Bananın tərkibində zülal yoxdur, əsas etibarilə karbohidrat var. Bədəndə zülalsız ödem inkişaf edir”.

Pediatr uşaqlara meyvə yedirdərkən valideynlərin səhvə yol verdiyini bildirir:

“Uşağa meyvənin şirə, yaxud püre halında verilməsi onun yaşıyla əlaqəlidır. Uşağın qida rasionuna meyvəni daxil etməyə başlayanda şirə halında verilməlidir. Püre şəklində vermək olmaz. Çünki onun tərkibində sellüloza çox olur. Ancaq 8 ayından sonra meyvəni püre şəklində vermək olar. Üç yaşından yuxarı uşaqlar isə meyvəni böyüklər kimi qəbul edə bilərlər”.

Yaydır? Uşaqların immunitetini gücləndirək!

qarpiz yeyen sulu qiz

N.Quliyev yayda uşaqların immunitetini gücləndirməyin yollarından danışıb:

“Yayda valideynlər çalışmalıdırlar ki, uşaqların orqanizmi möhkəmlənsin. Məsələn, uşaqlar açıq havada gəzdirilməli, dəniz, gün vannası qəbul etməlidirlər”.

Valideynlər ən çox  iqlim dəyişikliyinin uşaqların orqanizminə mənfi təsirindən şikayətlənir:

“İqlimi dəyişəndə, yəni bir yerdən başqa yerə gedəndə ən təhlükəli hal uşaqların mikrobiosenozunun dəyişməsidir. Yəni uşaq yaşadığı yerdə bakteriyalara uyğunlaşır, iqlim dəyişikliyi olanda ətrafdakı bakteriyalar da dəyişir. Həmin bakteriyalardan biri onu hər-hansı xəstəliyə yoluxdura bilər. Belə halların qarşısını almaq üçün uşaqların immunitetini gücləndirmək lazımdır. Bunun üçün onların düzgün qidalanmasına diqqət yetirməliyik”.

Modern.az

Share Button

Bir cavab yazın